महिला दिनी अल्फा बाईटचा सायबर सुरक्षा कार्यक्रम: सायबर सुरक्षेसह महिला सक्षमीकरणात नवा अध्याय

इंदापूर ०८/०३/२०२५ : जागतिक महिला दिनाचे औचित्य साधून, अल्फा बाईट कॉम्प्युटर्स संस्थेने महिलांसाठी एका विशेष सायबर सुरक्षा आणि सक्षमीकरण कार्यक्रमाचे आयोजन केले होते. या कार्यक्रमात अल्फा बाईट चे प्राचार्य श्री. तुषार रंजनकर सर यांच्या मार्गदर्शनाने महिलांना डिजिटल सुरक्षेचे महत्त्व, ऑनलाईन संरक्षण, आत्मनिर्भरता आणि स्वसंरक्षण यांसारख्या महत्त्वाच्या विषयांवर मार्गदर्शन करण्यात आले. आजच्या डिजिटल युगात महिलांना सायबर गुन्ह्यांपासून सुरक्षित ठेवणे आणि त्यांना आत्मनिर्भर बनवणे गरजेचे आहे, हे लक्षात घेऊन अल्फा बाईट संस्थेने हा कार्यक्रम आयोजित केला होता. कार्यक्रमाला महिलांचा उत्स्फूर्त प्रतिसाद मिळाला.

कार्यक्रमातील प्रमुख मुद्दे:

डिजिटल सुरक्षा:

• महिलांनी डिजिटल जगात स्वतःला सुरक्षित कसे ठेवावे, याबाबत सविस्तर मार्गदर्शन करण्यात आले.
• सायबर गुन्ह्यांपासून बचाव करण्यासाठी आवश्यक असलेल्या टिप्स आणि युक्त्या शिकवण्यात आल्या.
• इंटरनेट वापरताना कोणती काळजी घ्यावी, याची माहिती देण्यात आली.

आत्मनिर्भरता आणि स्वसंरक्षण:

• महिलांना आत्मनिर्भर बनण्यासाठी विविध मार्गदर्शनपर व्याख्याने झाली.
• स्वसंरक्षणाचे महत्त्व आणि त्यासाठी आवश्यक असलेल्या तंत्रांची माहिती देण्यात आली.

योगासने:

• महिलांच्या शारीरिक आणि मानसिक आरोग्यासाठी योगासनांचे प्रशिक्षण देण्यात आले.

या कार्यक्रमासाठी मोठ्या संख्येने महिलांनी उत्साहाने सहभाग घेतला. यासाठी ५० पेक्षा जास्त महिला व मुली उपस्थित होत्या. उपस्थित महिलांना सायबर सुरक्षेबाबत जागरूकता निर्माण करण्यात आली. आजच्या डिजिटल युगात महिलांना सायबर गुन्ह्यांपासून सुरक्षित ठेवणे आणि त्यांना आत्मनिर्भर बनवणे, हा या कार्यक्रमाचा मुख्य उद्देश होता. महिलांना डिजिटल साक्षर करणे आणि त्यांना सुरक्षित इंटरनेट वापराबद्दल माहिती देणे, हा देखील या कार्यक्रमाचा उद्देश होता. सदरील कार्यक्रमासाठी अल्फा बाईट चे प्रशिक्षक चारुशीला शिंदे, अश्विनी पाटील, अंजली जाधव, वैष्णवी ननवरे, अभिजित तळेकर तसेच सायबर सुरुक्षा प्रशिक्षक श्री. सागर कांबळे उपस्थित होते. अल्फा बाईट संस्थेने महिला सक्षमीकरणासाठी उचललेले हे पाऊल नक्कीच कौतुकास्पद आहे.

१९९३ पासून कार्यरत अल्फा बाईट कॉम्प्युटर्स इंदापूर आणि परिसरातील विद्यार्थ्यांसाठी एक विश्वासार्ह संगणक प्रशिक्षण संस्था आहे. संस्थेत MS-CIT सह विविध कौशल्य आधारित अभ्यासक्रम उपलब्ध आहेत. अनुभवी प्रशिक्षक, अद्ययावत अभ्यासक्रम आणि विद्यार्थी हितासाठी तत्परता यांमुळे संस्था लोकप्रिय आहे. सामाजिक बांधिलकी जपत, संस्था महिला सक्षमीकरणासाठीही प्रयत्नशील आहे.