.jpg.jpeg)
इंदापूर पुणे : डॉ. संदेश शहा
ग्रामीण भागातील शैक्षणिक विकासात महत्त्वपूर्ण योगदान देण्यासाठी फडतरे नॉलेज सिटी कळंब - वालचंदनगर,लँगबस्टेक युनिव्हर्सिटी, न्यू जर्सी, यूएसए आणि आफ्रिका एशिया स्कॉलर्स ग्लोबल नेटवर्क लंडन यांच्या सहयोगातून फार्मसी, अभियांत्रिकी आणि व्यवस्थापन विषयावरील आंतरराष्ट्रीय शिखर परिषद दि. ६ आणि ७ फेब्रुवारी रोजी फडतरे नॉलेज सिटी कळंब ( तालुका इंदापूर जिल्हा पुणे ) येथे आयोजित करण्यात आले असल्याची माहिती संस्थेचे अध्यक्ष उत्तमराव फडतरे यांनी दिली.
या परिषदेस फडतरे नॉलेज सिटी चे अध्यक्ष उत्तम फडतरे, आफ्रिका एशिया स्कॉलर्स ग्लोबल नेटवर्क चे संस्थापक अब्दुल देवळे मोहम्मद, लँगबस्टेक युनिव्हर्सिटी न्यू जर्सी चे प्रो-चान्सलर डॉ. के. एस. चरक, सचिव दत्तात्रय फडतरे संस्थेचे सीईओ जय फडतरे, संचालक डॉ. अरुण इंगळे, यांच्या सह विविध १६ देशातील ७६ तज्ञ मान्यवर तसेच ८०० हून अधिक विद्यार्थी उपस्थित राहणार आहेत.
यासंदर्भात संस्थेचे अध्यक्ष उत्तमराव फडतरे म्हणाले, ग्रामीण, निमशहरी तसेच शहरी भागात गुणवत्ता आहे. मात्र त्या गुणवत्तेस योग्य वेळी योग्य मार्गदर्शन होणे ही काळाची गरज आहे. त्या पार्श्वभूमीवर फार्मसी, इंजिनिअरिंग आणि मॅनेजमेंट सायन्सवरील आंतरराष्ट्रीय शिखर परिषदेची कल्पना एका बहुविद्याशाखीय जागतिक व्यासपीठाच्या रूपात होणार आहे. त्यामुळे व्यावसायिक शिक्षण आणि व्यवहाराच्या भविष्याला आकार देणाऱ्या उदयोन्मुख ट्रेंड, नवोपक्रम आणि आव्हानांवर समायोचित चर्चा केली जाणार आहे. शिक्षणतज्ज्ञ, संशोधक, उद्योग व्यावसायिक, धोरणकर्ते आणि विद्यार्थी यामध्ये सहभागी होणार आहेत. यावेळी पेपर सादरीकरण, मुख्य व्याख्याने, पॅनेल चर्चा आणि नेटवर्किंग सत्रांसाठी संधी उपलब्ध असणार आहे. त्यामुळे सहभागींना जागतिक दृष्टिकोन प्राप्त करण्यास आणि मजबूत शैक्षणिक -उद्योग संबंध स्थापित करण्यास सक्षम केले जाईल. परिषदेत जागतिक सामाजिक आणि औद्योगिक गरजा पूर्ण करण्यासाठी फार्मसी, अभियांत्रिकी आणि व्यवस्थापन विज्ञानांच्या परस्पर संबंधित स्वरूप व वेगाने विकसित होत असलेल्या आरोग्य सेवा प्रणाली, औद्योगिक परिवर्तने आणि व्यवसाय परिसंस्थांच्या मागण्या पूर्ण करण्यासाठी आवश्यक असलेल्या भविष्या साठी तयार धोरणे, तंत्रज्ञान आणि कौशल्य संचांचा शोध घेण्याचा या परिषदेचा उद्देश आहे. ही परिषद सहभागी युवापिढीस आत्मनिर्भर होण्यासाठी वरदान ठरेल असा आत्मविश्वास अध्यक्ष श्री. फडतरे यांनी व्यक्त केला.
