इंदापूर: सद्यस्थितीत तंत्रज्ञानाचे महत्त्व वाढल्याने संगणक साक्षरता अनिवार्य झाली आहे, मात्र याच संधीचा फायदा घेत इंदापूर शहरात अनधिकृत आणि बोगस संगणक प्रशिक्षण केंद्रांचे पेव फुटले आहे. अनेक सेंटर्सकडे कोणतीही अधिकृत मान्यता नसताना, 'कमी फीमध्ये कोर्सेस' देण्याचे आमिष दाखवून विद्यार्थ्यांचे सर्रास प्रवेश घेतले जात आहेत. पालकांनी अशा केंद्रांच्या भूलथापांना बळी पडू नये, असे आवाहन सुज्ञ नागरिकांकडून करण्यात येत आहे.
या बोगस केंद्रांकडे MS-CIT सारख्या महत्त्वाच्या कोर्सेससाठी अधिकृत परवाना नसल्यामुळे, कोर्स पूर्ण झाल्यानंतर विद्यार्थ्यांना बोगस प्रमाणपत्रे देण्यात येत आहेत. ही प्रमाणपत्रे सरकारी नोकरी किंवा इतर अधिकृत कामांसाठी सादर करताना विद्यार्थ्यांना मोठ्या अडचणींचा सामना करावा लागत आहे. शैक्षणिक वर्ष आणि कष्टाचे पैसे दोन्ही वाया जात असल्याने विद्यार्थ्यांच्या भविष्यावर टांगती तलवार निर्माण झाली असून, ही एक प्रकारे मोठी शैक्षणिक फसवणूकच आहे.
केवळ प्रमाणपत्रच नाही, तर या केंद्रांमधील प्रशिक्षणाचा दर्जाही अत्यंत निकृष्ट आहे. "कमी पैशात अनेक कोर्सेस" असे मार्केटिंग करून विद्यार्थ्यांना आकर्षित केले जाते, परंतु प्रत्यक्ष वर्गांमध्ये अद्ययावत संगणक यंत्रणा, तज्ज्ञ प्रशिक्षक आणि इंटरनेट सुविधांचा अभाव दिसून येतो. तांत्रिक ज्ञान देण्याऐवजी केवळ औपचारिकता पूर्ण केली जात असल्याने, कोर्स संपल्यानंतरही विद्यार्थ्यांच्या हाती कोणतेही कौशल्य लागत नाही, ही चिंतेची बाब आहे.
विद्यार्थी आणि पालकांनी सतर्क राहण्यासाठी काही गोष्टींची खात्री करणे आवश्यक आहे. प्रवेश घेण्यापूर्वी संबंधित केंद्राकडे MKCL चे अधिकृत पत्र आहे का, हे आवर्जून तपासावे. अधिकृत केंद्रांमध्ये फीची पक्की पावती दिली जाते आणि तिथल्या प्रमाणपत्रांची पडताळणी ऑनलाइन करता येते. केवळ स्वस्त फीचा विचार न करता, संबंधित संस्थेचा इतिहास आणि तिथे उपलब्ध असलेल्या प्रत्यक्ष सोयीसुविधांची शहानिशा करणे विद्यार्थ्यांच्या करिअरसाठी हिताचे ठरेल.
इंदापूर शहरामध्ये MS-CIT साठी MKCL चे एकमेव अधिकृत प्रशिक्षण केंद्र आणि 1993 पासूनचे विश्वसनीय नाव म्हणजे
अल्फा बाईट कॉम्प्युटर्स
इंदापूर शहरात विश्वासार्हतेचा विचार केल्यास, 'अल्फा बाईट कॉम्प्युटर्स' हे सद्यस्थितीला MS-CIT कोर्ससाठी MKCL चे एकमेव अधिकृत प्रशिक्षण केंद्र म्हणून कार्यरत आहे. सन १९९३ पासून, म्हणजेच गेल्या ३ दशकांहून अधिक काळ ही संस्था विद्यार्थ्यांना उच्च दर्जाचे संगणक शिक्षण देत आहे. अशा अनुभवी आणि अधिकृत केंद्रातूनच प्रशिक्षण घेतल्यास विद्यार्थ्यांचे भविष्य सुरक्षित राहील आणि त्यांची आर्थिक व शैक्षणिक फसवणूक टळू शकेल.
