प्रतिनिधी - श्री. गणेश धनावडे (निरवांगी, इंदापूर)
नंदिकेश्वर एज्युकेशन सोसायटीच्या पद्मभूषण वसंतदादा पाटील माध्यमिक विद्यालय, निरवांगी येथे कादंबरी महिला पतसंस्था, कादंबरी दुध संकलन केंद्र (निरवांगी) आणि हिंदुस्तान कॅटल फिड (बारामती) यांच्या संयुक्त विद्यमाने विद्यार्थींसाठी वह्या वाटप कार्यक्रमाचे आयोजन करण्यात आले होते. तळागाळातील विद्यार्थ्यांना शैक्षणिक मदत मिळावी या उद्देशाने हा स्तुत्य उपक्रम यशस्वीरीत्या पार पडला.
मान्यवरांची उपस्थिती
कार्यक्रमाचे अध्यक्षस्थान नंदिकेश्वर एज्युकेशन सोसायटीचे तज्ञ सल्लागार विश्वस्त शिवाजीराव पोळ पाटील यांनी भूषवले. व्यासपीठावर हिंदुस्तान कॅटल फिडचे जनरल मॅनेजर अजय पिसाळ, सोसायटीचे उपाध्यक्ष विठ्ठल पवार, सचिव पांडुरंग पोळ पाटील, विश्वस्त उत्तमराव पोळ पाटील, तसेच कादंबरी दूध संकलन केंद्राचे चेअरमन कुलदीप उर्फ पप्पू दशरथ पोळ पाटील यांच्यासह मा. सोसायटीचे माजी चेअरमन संतोष पोळ पाटील, माजी चेअरमन ज्ञानदेव साळुंखे, संचालक महादेव चव्हाण, डॉ. अक्षय रणवरे, हिंदुस्तान कॅटल फिडचे ऑफिसर विनोद वेसकर व मार्केटिंग ऑफिसर रामदास मेटकरी सर, प्रतीक माळी सर आदी मान्यवर उपस्थित होते.
शैक्षणिक मदतीचा अभिमान
कार्यक्रमाचे अध्यक्ष शिवाजीराव पोळ पाटील यांनी या वेळी बोलताना, हिंदुस्तान कॅटल फिडच्या माध्यमातून विद्यार्थ्यांना शैक्षणिक साहित्य व वह्यांची मदत मिळत असल्याबद्दल सार्थ अभिमान व्यक्त केला. तसेच, महाराष्ट्राचे कॅबिनेट कृषीमंत्री माननीय श्री. दत्तात्रेय भरणे मामा यांच्या सहकार्याने विद्यालयास मोठा निधी मिळाल्याचे सांगून त्यांनी त्यांचे विशेष आभार मानले.
वृक्षारोपण हा काळाची गरज
हिंदुस्तान कॅटल फिडचे मार्केटिंग ऑफिसर रामदास मेटकरी यांनी कंपनीमार्फत यापुढेही विद्यालयास शैक्षणिक मदत करण्याचे आश्वासन दिले.
कादंबरी दूध उत्पादक संस्थेचे चेअरमन कुलदीप उर्फ पप्पू दशरथ पोळ पाटील यांनी संस्थेमार्फत लवकरच 'एक विद्यार्थी एक वृक्ष लागवड' हा महत्त्वपूर्ण उपक्रम राबवणार असल्याची घोषणा केली. वृक्ष लागवड ही काळाची गरज आहे, प्रत्येकाने वृक्ष लागवड केली पाहिजे असे मत त्यांनी या वेळी व्यक्त केले.
कार्यक्रमाचे सूत्रसंचालन सुधाकर भोग सर यांनी केले, तर विद्यालयाचे मुख्याध्यापक कल्याण शिरसट यांनी आलेल्या सर्व मान्यवरांचे आभार मानून कार्यक्रमाची सांगता केली. या वेळी विद्यालयातील शिक्षक, शिक्षकेतर कर्मचारी आणि मोठ्या संख्येने विद्यार्थी उपस्थित होते.
