इंदापूर, डॉ. संदेश शहा
विद्या प्रतिष्ठान इंदापूर पॉलिटेक्निक कॉलेज मध्ये विद्या प्रतिष्ठानचे सन्माननीय अध्यक्ष तथा राष्ट्रनेते शरदचंद्रजी पवार साहेब यांचा वाढदिवस मोठ्या उत्साहात साजरा करण्यात आला. यावेळी कॉलेजचे प्राचार्य डॉ. सुजय देशपांडे यांनी शरदचंद्र पवार साहेबांच्या कार्यकर्तृत्वाच्या आठवणी उजाळल्या तसेच त्यांच्या दूरदृष्टी,
समाजकार्य आणि शिक्षण क्षेत्रातील अमूल्य योगदानाची माहिती दिली.
प्राचार्य डॉ. सुजय देशपांडे म्हणाले, “शरदचंद्रजी पवार साहेब हे समाजासाठी सतत कार्यरत असणारे नेतृत्व आहे. शिक्षण क्षेत्रातील त्यांची बांधिलकी आणि विद्यार्थ्यांसाठीच्या संधीवृद्धीचे धोरण आज
विद्या प्रतिष्ठानमध्ये आम्हाला मार्गदर्शक ठरत आहे.” त्यामुळे हजारो, लाखो विद्यार्थी आत्मनिर्भर होऊन आपले आयुष्य आनंदाने जगत आहेत. शरदचंद्रजी पवार हे एक चालते बोलते विद्यापीठ असून साहेबांचे अष्टपैलू
व्यक्तिमत्त्व, त्यांच्या कार्यशैलीची आणि शिक्षणक्षेत्रातील दूरदृष्टीची त्यांनी सविस्तर माहिती दिली.
माननीय शरदचंद्रजी पवार साहेब हे केवळ राष्ट्रनेते नाहीत, तर समाजाच्या सर्व स्तरांपर्यंत विकासाची उभी झेप पोहोचवणारे एक अपवादात्मक, कर्तबगार नेतृत्व आहे. त्यांच्या नेतृत्वाखाली विद्या प्रतिष्ठानने केवळ विस्तारच साधला नाही, तर गुणवत्तेची नवी परंपरा निर्माण केली आहे. ग्रामीण भागात शिक्षणाची दारे खुली करून विद्यार्थ्यांना प्रगत तंत्रज्ञान, आधुनिक सुविधा आणि दर्जेदार शिक्षण उपलब्ध करून देण्याचा दुरदृष्टीपूर्ण निर्णय पवार साहेबांनी घेतला, हे अत्यंत उल्लेखनीय असून त्यामुळे अनेक पिढ्या घडल्या आहेत, घडत आहेत. “ शिक्षणामध्ये प्रगती करणे म्हणजे फक्त इमारती उभारणे नव्हे, तर विद्यार्थ्यांचा सर्वांगीण विकास साधणारी वातावरण निर्मिती करणे होय, या तत्त्वज्ञानावर शरदचंद्र पवार साहेब कार्यरत आहेत. त्यांच्या मार्गदर्शनाखाली आमचे महाविद्यालय नवीन प्रयोगांना प्रोत्साहन देत आहे, आधुनिक प्रयोगशाळा, कौशल्यविकास कार्यक्रम, उद्योगसंवाद आणि स्टार्टअप संस्कृतीचा प्रसार करत आहे.” विद्यार्थ्यांमध्ये कुतूहल, जबाबदारीची जाणीव, शिस्त आणि सामाजिक बांधिलकी वाढवण्याचे महत्वपूर्ण कार्य पवार साहेबांनी शिक्षण संस्थांमार्फत साधले. त्यामुळेच आज आमचे विद्यार्थी विविध क्षेत्रात उल्लेखनीय कामगिरी करत आहेत. त्यांचा हा वाढदिवस म्हणजे आपल्या सर्वांसाठी प्रेरणा घेण्याचा आणि
त्यांच्या विचारांनी प्रेरित होऊन पुढे जाण्याचा महान दिवस आहे.”
प्रास्ताविक भाषणात प्रा. लक्ष्मीकांत लाकाळ म्हणाले, माननीय
शरदचंद्रजी पवार साहेब यांचे कार्य विशाल व अनमोल आहे.“आज आपण एका अशा उत्तुंग व्यक्तिमत्त्वाचा वाढदिवस साजरा करत आहोत, ज्यांनी शिक्षण, कृषी, सहकार, सामाजिक परिवर्तन आणि राष्ट्रीय नेतृत्वाच्या पातळीवर आपल्या कार्याचा अमिट ठसा उमटवला आहे. पवार साहेबांची बहुआयामी कामगिरी ही केवळ महाराष्ट्राच नव्हे, तर संपूर्ण देशासाठी प्रेरणादायी आहे. महाविद्यालयाचे प्राचार्य, अध्यापकवृंद, कर्मचारी आणि विद्यार्थी यांच्या सहभागामुळे हा कार्यक्रम यशस्वी झाला. माननीय शरच्चंद्र पवार साहेब यांना दीर्घायुष्य आणि उत्तम आरोग्य लाभो, हीच आमची मनोकामना यावेळी व्यक्त करण्यात आली.
